Astanada - Altyn kúz (FOTOREPORTAJ)
ASTANA. QazAqparat - Elordamyzǵa sary ala tonyn jamylyp altyn kúz keldi. Búginde jadyraǵan jazdan shyqqan el qys qamyn oılastyryp jatyr.
«Sur bult túsi sýyq qaptaıdy aspan, Kúz bolyp, dymqyl tuman jerdi basqan. Bilmeımin toıǵany ma, tońǵany ma, Jylqy oınap, bıe qashqan, taı jarysqan.
Jasyl shóp, báısheshek joq burynǵydaı, Jastar kúlmes, júgirmes bala shýlaı. Qaıyrshy shal-kempirdeı túsi ketip, Japyraǵynan aırylǵan aǵash, qýraı», - dep sıpattaıdy kúz mezgilin hakim Abaı.
Shynymen de qalanyń óńi ózgerdi. Bas qalanyń kóshelerinde qońyr kúzdiń lebi seziledi: kún sýytty, aýa raıy san qubylyp, japyraqtar sarǵaıyp jerge túsip jatyr...
Alaıda, qońyr kúzdiń kelip jetkenine qaramastan halyqtyń kóńiline kirbiń túspesin, júzin muń shalmasyn degimiz keledi. Óıtkeni altyn kúz - bereke, molshylyqtyń, baılyqtyń kezi.
