Astanada «Altyn» kópir salynady

ASTANA. QazAqparat - Astanada ótetin Jibek Joly qalalarynyń basshylary forýmynda «Altyn» kópirdiń irgetasy qalanady, dep habarlaıdy QazAqparat tilshisi.

«Global Silk Road» qala merleriniń forýmynda Astanada turǵyzylatyn «Altyn» kópirdiń irgetasy qalanady. Jibek joly halyqtarynyń dostyǵyn beıneleıtin bul kópirdiń avtory - álemge tanymal qytaılyq sáýletshi Shý ıÝn. Kópir uzyndyǵy 28 metrdi quraıdy. Bul taǵdyry ortaq, múddesi ortaq jahandyq qaýymdastyq qurý armanyn bildiredi», - dedi G-Global halyqaralyq hatshylyǵy basshysynyń birinshi orynbasary Murat Qarymsaqov OKQ-de ótken  baspasóz-konferentsııasynda.

Eske sala keteıik, Jibek Joly qalalarynyń merleri bas qosatyn «Global Silk Road» forýmy Astanada 2-3 shilde kúnderi ótedi.  

Forýmda HHІ ǵasyrdaǵy Jibek Jolyn tsıfrlandyrýdyń mańyzdy máseleleri, turaqty damý, ekonomıkalyq teńsizdikti tómendetý, halyqaralyq saýdanyń jańa erejeleri, krıptovalıýtalardy paıdalaný, áıelder men jastardyń, úkimettik emes uıymdardyń mańyzdy máseleleri talqylanady.

Forým sońynda Jibek Joly elderindegi qalalar basshylarynyń klýby qurylady dep kútilýde. Sondaı-aq, bıznes, ǵylym, ýnıversıtetter, BAQ, ádebıet pen óner, týrızm, sport baǵyttary boıynsha qaýymdastyqtar men birlestikter ashylady. Mektepke deıingi bilim berý, týrızm, sport boıynsha kommertsııalyq qujattarǵa qol qoıylady.

Sondaı-aq, shara aıasynda Jibek joly elderiniń ardager fýtbolshylary men qala basshylary joldastyq kezdesý ótkizedi.