Astanada alty kókónis qoımasy salynady
ASTANA. QazAqparat - Astanada alty kókónis qoımasy salynady, dep habarlaıdy elorda ákimdiginiń resmı saıty.
Azyq-túlik qaýipsizdigin qamtamasyz etý aıasynda elordada kókónis qoımalary men jylyjaılar salý jobalary júzege asyrylýda.
Jyl basynan beri «Tselınselmash» JShS kókónis qoımasy (saqtaý kólemi 2500 tonna), «Astana Food Storage» JShS kókónis qoımasy (saqtaý kólemi 2500 tonna) jáne «Astyq Logıstık» JShS «A» klassynyń qoıma kesheni (32 730 oryndyq) paıdalanýǵa berilgen. Sonymen qatar, elordanyń Indýstrıaldy parki aýmaǵynda «Kazglavprodýkt» JShS qoraptaý jelisi bar kólik-logıstıkalyq ortalyǵynyń qurylysy aıaqtaldy.
Kásiporyn jelisin keńeıtý maqsatynda saqtaý kólemi 19 500 bolatyn 6 kókónis qoımasy jáne jylyna 4 850 tonnalyq qýaty bar 2 jylyjaı salynyp jatyr. Budan bólek, jalpy kólemi 23 500 tonnalyq 5 kókónis qoımasy jáne jylyna 10 500 tonnadan astam ónim shyǵaratyn 7 jylyjaı josparlaný satysynda tur.
2016 jyly barlyq jobalar paıdalanýǵa berilgen ýaqytta qalanyń jemis jáne kókónis ónimderi (60 000 tonna) men jylyjaı ónimderin (maýsymaralyq kezeńde 8000 tonna) saqtaý máselesi tolyqtaı jabylady dep kútilýde.
