Astanada «Alpamys» sahnalanady
ASTANA. 6 jeltoqsan. QazAqparat - Qazaq ulttyq Óner ýnıversıtetiniń «Shabyt» ǵımaraty, J.Jabaev atyndaǵy kontsert zalynda 7 jeltoqsany kúni «Alpamys» mýzykalyq drama dastany qoıylady, dep habarlady ýnıversıtettiń baspasóz qyzmetinen.
Atadan - balaǵa, ustazdan - shákirtke jalǵasyp búginge jetken Alpamys eposynyń birneshe nusqasy bar. Sonyń ishinde eń tolyq nusqasy HІH ǵasyrda Qarataý óńirinde ómir súrgen aqyn Maıkót Sandybaıulynyń jyrlaýymen bizge jetken. Ony qazaq folklorynyń jınaýshysy Hám zertteýshisi Á.Dıvaev aqynnyń aıtýymen jazyp alǵan.
Alpamys eposyn sahnaǵa laıyqtap qaıta jazǵan - QR Memlekettik syılyǵynyń laýreaty, aqyn Nesipbek Aıtuly. Mýzykasyn jazǵan - QR Eńbek sińirgen qaıratkeri Ermurat Úsenov. Rejısseri - QR Eńbek sińirgen qaıratkeri Sáýlebek Asylhanuly.
Alpamys beınesin akter Janqaldybek Tólenbaev somdasa, Gúlbarshyn rolinde QR Eńbek sińirgen qaıratkeri, ánshi Gúlzıra Bókeıhanqyzy oınaıdy.
Atalǵan qoıylym 2010 jyly kórnekti memleket ján qoǵam qaıratkeri Myrzataı Joldasbekovtiń usynysymen QR Prezıdenttik mádenıet ortalyǵynyń kontsert zalynda sahnalanǵan bolatyn. Qoıylymdy tamashalaýǵa zııaly qaýym, baspasóz jáne aqparat ókilderi shaqyrylyp otyr.
