Astanada Almaty oblysynyń kreatıvti jármeńkesi ótip, oǵan myńdaǵan adam qatysty
ASTANA. KAZINFORM — Astanadaǵy Qazaq Creative Hub alańynda «Creative Aimaq» jobasy aıasynda Almaty oblysynyń kreatıvti jármeńkesi ótti. Eki kún ishinde kórmeni 2 myńǵa jýyq adam tamashalady, dep habarlaıdy elorda ákimdiginiń resmı saıty.
Jármeńkede zergerlik buıymdar, aǵash pen bylǵarydan jasalǵan ónimder, ulttyq toqyma, qazaqy sán úlgileri, ulttyq kıimder men aksessýarlar, syrmaq, sómke, ámııan, beldik, kádesyılar, sándik pannolar jáne beıneleý óneri týyndylary usynyldy. Ekspozıtsııanyń jekelegen bólimderi Jambyl Jabaıuly men Muqaǵalı Maqataevtyń shyǵarmashylyǵyna arnaldy.
— «Creative Aimaq» jobasynyń maqsaty — óńirlik kreatorlarǵa ónimderin keń aýdıtorııaǵa tanystyrýǵa, jańa tutynýshylar tabýǵa jáne otandyq kreatıvti ónimderdiń naryǵyn keńeıtýge múmkindik berý, — deıdi uıymdastyrýshylar.
Aıta keteıik, jobanyń alǵashqy segiz óńirdegi nátıjeleri bul formattyń tıimdiligin kórsetti. Kreatorlar jańa tutynýshylar men seriktester taýyp, ónimderin óńirlik naryqtan tys jerlerge shyǵarýǵa múmkindik aldy.
Budan buryn Astanada Abaı oblysynyń kreatıvti áleýeti tanystyrylǵanyn jazǵanbyz.
