Astanada Almaty kóshesiniń bir bóligi jyl sońyna deıin jabylady
ASTANA. KAZINFORM — 15 tamyzdan bastap jyl sońyna deıin Astanada Almaty kóshesiniń Túrkistan kóshesinen Máńgilik El dańǵylyna deıingi bóligi kólik qozǵalysy úshin tolyq jabylady.
Qala ákimdiginiń habarlaýynsha, shekteý «Máńgilik El dańǵylynan Saýran kóshesine deıingi aralyqta Almaty kóshesi boıymen kólik tonnelin salý» jobasy aıasynda engiziledi.
Bul rette Almaty kóshesi men Túrkistan kóshesiniń, sondaı-aq Almaty kóshesi men Máńgilik El dańǵylynyń qıylystary ashyq bolady.
Júrgizýshiler men jaıaý júrginshilerge qozǵalys baǵytyn aldyn ala josparlaý usynylady. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady.
Eske salaıyq, buǵan deıin Astanada Uly Dala dańǵylynan Syǵanaq kóshesine deıingi ýchaske ýaqytsha ishinara jabylatynyn habarlaǵan edik.
