Astanada alımentten jaltaryp júrgen shendi-shekpendiler joq - Prokýratýra
Qalalyq prokýratýra qyzmetkerleriniń habarlaýynsha, Astana qalasynda alıment tóleýshi 19 myń azamat tirkelgen. Barlyǵy 29 myń bala alıment alýy tıis. Biraq, qazirgi jaǵdaı boıynsha, qalada jeti myń bala ákelerinen kók tıyn ala almaı júr.
Al, «QazAqparat» tilshisiniń suraǵyna jaýap bergen qalalyq prokýratýranyń Sottarda memleket múddesine ókildik etý basqarmasynyń basshysy Berik Adamov, alıment tólemeı júrgen ákelerdiń arasynda sheneýnikter men saıasatkerler joq ekenin málim etti.
«Astana qalasy boıynsha alıment tólemeı júrgen sheneýnikter, saıasatkerler, bolmasa taǵy basqa ataqty adamdar joq. Monıtorıng júrgize otyryp, bundaı oqıǵalardyń joq ekenin anyqtadyq»,-deıdi ol.
B.Adamov degenmen bir jaǵdaıdy aıtyp berdi. «Balasyna 1,5 mln. teńge alıment qaryz bolǵan bir azamattyń múlkin tárkileý týraly sheshim qabyldadyq. Múlki bul qarajattan áldeqaıda qymbat ekenin túsingen áke, kelisimge kele otyryp, birden alıment tólep berdi»,-deıdi B.Adamov.
Prokýror habarlap ótkendeı, sheneýnikterden basqa, Astana qalasy boıynsha balasyna alıment tólemeı júrgen analar da joq.