Astanada alıment tólemegen boryshker 5 mln teńge qaryzben qaıta sottaldy
ASTANA. KAZINFORM — Elorda turǵyny burynǵy jubaıyn alıment tóleýden jaltarǵany úshin Qazaqstan Respýblıkasy Qylmystyq kodeksiniń 139-baby boıynsha qylmystyq jaýaptylyqqa tartý týraly aryzben «Saryarqa» aýdanynyń prokýratýrasyna júgingen. Bul týraly Astana qalasynyń prokýratýrasy málim etti.
— Boryshker 2025 jyly dál osyndaı quqyq buzýshylyq jasaǵany úshin qylmystyq jaýaptylyqqa tartylǵan. Alıment boıynsha bereshek somasy shamamen 5 mln teńge. Sot úkimimen kinálige probatsııalyq baqylaý belgilenip, 1 jyl merzimge bas bostandyǵyn shekteý jazasy taǵaıyndaldy, — delingen habarlamada.
Sot úkimi zańdy kúshine endi.
Prokýratýra balalar — bizdiń bolashaǵymyz ekenin eske salady. Alıment tóleýden jaltarý olardyń quqyqtaryn buzady jáne qylmystyq jaýaptylyqqa ákep soǵady.
Eske sala keteıik, 25 tamyzdan bastap alıment arnaıy bank shotyna aýdarylady.
