Astanada alǵash ret «Jańa beles - 2013» jalpy qalalyq stýdenttikke qabyldaý ótedi
ASTANA. 30 qazan. QazAqparat - 4 qarashada «Qazaqstan» ortalyq kontsert zalynda Astana qalasy joǵary oqý oryndarynyń birinshi kýrs stýdentteri bas qosady. Onda «Jańa beles - 2013» alǵashqy qalalyq stýdenttikke qabyldaý sharasy ótedi. Bul týraly astana.kz saıtyna Jastar saıasaty máseleleri basqarmasynan habarlady.
«Jańa beles - 2013» aýqymdy jastar jobasy - formaty jaǵynan biregeı shyǵarmashylyq is-shara. Oǵan joǵary oqý oryndary men kolledj stýdentteri qatysady. Bul balalardy jaqyndastyryp, olardy bir úlken otbasyǵa aınaldyrady», - delingen vedomstvo habarlamasynda.
Jalpy qalalyq stýdenttikke qabyldaý birinshi kýrs stýdentterin qalanyń qoǵamdyq ómirindegi belsendi qyzmettik ómirine aralastyrýǵa, shyǵarmashylyq áleýetti damytý jáne stýdentter arasynda dostyq qarym-qatynasty damytý úshin jaǵdaı jasaýǵa baǵyttalǵan.
Birinshi kýrs stýdentterin quttyqtaýǵa Olımpıada chempıondary, shyǵarmashylyq elıta ókilderi, eńbek sińirgen oqytýshylar, memlekettik qurylymdardyń ókilderi men stýdenttik jastar belsendileri shaqyrylǵan.
Bul kúni qaazaqstandyq estrada juldyzdary men stýdenttik jastar ujymdary sahnada óner kórsetedi. «Araı», «Báıterek», Marjan Arapbaeva, Álisher Qaıratuly, Son Paskal, «Jaıdarman» KVN komandalary jáne t.b. stýdentterdi quttyqtaıdy.
Stýdenttik vals, fleshmob jáne basqa da kóptegen tosyn syılar birinshi kýrs stýdentterine arnalady. Jastarǵa kópten kútken stýdenttik bıletter tapsyrylady, dep habarlady vedomstvodan.
Uıymdastyrýshylardyń pikirinshe, jalpy qalalyq stýdenttikke qabyldaý Astana qalasynyń dástúrli sharalarynyń birine aınalyp, jyl saıyn myńdaǵan stýdenttiń basyn qosatyn bolady.
