Astanada alǵash ret WPC Energy Dúnıejúzilik energetıkalyq kongresi ótedi
ASTANA. KAZINFORM – QR Energetıka mınıstri Erlan Aqkenjenov WPC Energy uıymynyń prezıdenti Pedro Mıraspen kezdesý ótkizip, taraptar 2028 jyly Astanada ótetin WPC Energy-diń 26-shy Dúnıejúzilik energetıkalyq kongresine daıyndyq máselelerin talqylady.
QR Energetıka mınıstrligi baspasóz qyzmetiniń habarlaýynsha, WPC Energy delegatsııasyn qarsy alǵan mınıstr Qazaqstannyń energetıkalyq qaýipsizdik, turaqty damý, tehnologııalyq ınnovatsııalar jáne ınvestıtsııalyq yntymaqtastyq máseleleri boıynsha dıalog júrgizýge arnalǵan jetekshi halyqaralyq alańdardyń biri retinde uıymmen yntymaqtastyqqa erekshe mán beretinin atap ótti.
Kezdesý barysynda taraptar aldaǵy Kongreske daıyndyq barysyn qarastyrdy. Atalǵan Kongress tarıhta alǵash ret Ortalyq Azııa óńirinde ótetin bolady.
Qazaqstan bul forýmdy iri halyqaralyq is-shara retinde ǵana emes, sonymen qatar senimdi energetıkalyq seriktes jáne jahandyq energetıkalyq dıalogtyń mańyzdy qatysýshysy retindegi mártebesin nyǵaıtýǵa múmkindik retinde qarastyratyny atap ótildi. Kezdesý qorytyndysy boıynsha taraptar yntymaqtastyqty odan ári nyǵaıtýǵa múddeliligin rastady jáne 2028 jyly Astanada ótetin WPC Energy Dúnıejúzilik energetıkalyq kongresi halyqaralyq energetıkalyq qaýymdastyq úshin mańyzdy oqıǵa bolatynyna senim bildirdi.
Osyǵan deıin Qazaqstan EAEO-nyń ortaq energetıkalyq naryǵyna qatysty ustanymyn jarııalaǵan bolatyn.
