Astanada alǵash ret qýyrshaqtar karnavaly ótedi
ASTANA. QazAqparat - Astanada qýyrshaq teatrlarynyń aptalyǵy óz shymyldyǵyn ashady, dep habarlaıdyń qala ákimdiginiń baspasóz qyzmeti.
1-8 qyrkúıek aralyǵynda Qazaqstannyń elordasynda Dúnıejúzilik qýyrshaqtar karnavaly aıasynda álemniń 47 memleketinen jınalǵan qýyrshaq taeatrlarynyń ujymdary óz ónerlerin ortaǵa salatyn bolady.
Sharalar legi 1 qyrkúıekte Esil ózeniniń jaǵalaýynda karnavalǵa qatysýshylardyń sherýinen bastalady. Sherý (saǵat 10:-de Kenesary eskertkishiniń janynda jınalady) qazaq drama teatryna deıin jalǵasady. Osy jerde Halyqaralyq karnavaldyń ashylýy jáne gala-kontsert ótedi.
Karnaval aıasynda birinshi bolyp Astana qalasy ákimdiginiń qýyrshaq teatry «Er Tóstik» spektaklin kópshilik nazaryna usynady. Munymen qosa, elordalyq kórermender Reseı, Bolgarııa, Týnıs, Portýgalııa, Rýmynııa, Frantsııa, Qytaı, Ulybrıtanııa, Iran, Argentına, Albanııa, Frantsııa, Estonııa, Avstralııa, Brazılııa, Túrkııa, Vengrııa, Japonııa, Ispanııa, Italııa, Ońtústik Koreıa, Belgııa, Slovenııa, Germanııa jáne t.b elderdiń qýyrshaq teatrlarynyń qoıylymdaryn tamashalaıdy. 
Bir aptaǵa sozylatyn karnavaldyń baǵdarlamasy qanyq - kóshedegi sherýler, ashyq aspan astyndaǵy qoıylymdar, sondaı-aq kún saıyn Astana qalasynyń Qýyrshaq teatrynda jáne Q. Qýanyshbaev atyndaǵy qazaq drama teatrynda spektaklder kórsetiledi.
Dúnıejúzilik qýyrshaqtar karnavaly («World Puppet Carnival) - bul Astana úshin úlken oqıǵa jáne ol qýyrshaq oınatýshy artısterdiń ónerin damytýǵa ynta beredi, mádenı tájirıbe almasýǵa jáne ózge memlekettermen yntymaqtastyq ornatýǵa jol ashady. 
