Astanada alǵash ret qurylysy bitpegen nysandardyń jármeńkesi ótedi

Sharanyń maqsaty - Astana qalasynda qurylysy toqtap qalǵan problemalyq nysandardy salyp bitirý.

Jármeńkede usynylatyn nysandarǵa segiz turǵyn úı kesheni jatady:

1.  «Arabı-2» TK - J. Tarhan jáne A. Jubanov kósheleriniń qıylysy;

2.  «Skaı sıtı» TK, Komsomolskıı turǵyn alaby;

3.  Qorǵaljyn tas joly aýdanyndaǵy «Alǵa Samal» TK;

4.  «Baıtaý» TK ( «Black gold development» JShS)- Máńgilik el dańǵyly;

5.  Saryarqa jáne Abaı dańǵyldarynyń qıylysynda ornalasqan «Stolıchnyı-2» TK;

6.  Qorǵaljyn tas joly aýdanyndaǵy «Úmit bereke» TK;

7.  Qosshy kentinde (Aqmola oblysynyń Tselınograd aýdany) ornalasqan «Ál barakat» kompanııasynyń «Jaılaý Sıtı» TK;

8.  «Tabysquryltaı» TK (Qosshy kenti, Aqmola oblysynyń Tselınograd aýdany);

Jármeńkege «Atameken» QR Ulttyq kásipkerler palatasynyń ókilderi, QR IDM Investıtsııalar jónindegi komıtetiniń, elimizdiń bıznes qaýymdastyǵynyń ókilderi, qurylys uıymdary qatysady dep kútilýde.

Resmı bólimge arnaıy júrgizýshi tartylady. Osy rette jármeńke týraly respýblıkalyq jáne aımaqtyq buqaralyq aqparat quraldarynda habarlanatyn bolady.

Jármeńkege damý keleshegi zor qurylys nysandaryna qarjy quıýǵa nıetti áleýetti ınvestorlar shaqyrylady. Áleýetti satyp alýshylar úshin tólqujattary bar nysandarmen tanysýǵa arnalǵan materıaldar daıyndaldy.

Jármeńke «Astana Bas jospary» ǵylymı-zertteý jobalyq ınstıtýty» jaýapkershiligi shekteýli seriktestiginiń ákimshilik ǵımaratynda ótedi.