Astanada alǵash ret «Kúltegin» fılmi kórsetildi
ASTANA. Naýryzdyń 20-sy. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde Tuı-uquq jáne Terkin atty baıyrǵy túrki eskertkishteriniń ashylý saltanaty aıasynda uly qolbasshy, túrki tarıhynyń jarqyn tulǵasy Kúltegin batyrdyń ómirine arnalǵan derekti fılm kórsetildi,
dep habarlaıdy QazAqparat.
«Kúltegin» dep atalatyn fılmniń avtory - belgili túrkolog-ǵalym Qarjaýbaı Sartqojauly. Rejısseri - Ásemǵazy Qapanuly. Kúltegin rólin somdaǵan - Qasymhan Buǵybaıuly. «Bul bizdiń alǵashqy talpynysymyz. Qazirgi kezde bizde Sibir, Monǵolııa, Qytaı Halyq Respýblıkasy, Ortalyq, Shyǵys Túrkistan jáne Ortalyq Azııa aımaqtaryna jasaǵan zertteý ekpedıtsııalardy qamtıtyn 30 saǵattyq beınematerıal jınaqtaldy. Onyń negizinde taǵy osy ispetti fılmderdi shyǵarýǵa múmkindigimiz bar», - deıdi Q.Sartqojauly. Ǵalym atap kórsetkendeı, aldaǵy ýaqytta baıyrǵy túrkilerdiń alpaýyt el tutqalary - Tuı-uquq, Bilge qaǵan, Kúlli-chor, El-etmish Bilge Tur-aıyn qaǵan jáne Orda-balyq qalasy týraly birneshe derekti fılmdi túsirý josparlanǵan. Bul bastamaǵa QR Mádenıet mınıstrligi qoldaý bildirip otyr.
