Astanada alǵash ret QHL juldyzdarynyń kezdesýi ótedi
ASTANA. QazAqparat - Astanada 2018 jyldyń 10 qańtar kúni QHL Juldyzdy aptalyǵy bastalady, dep habarlaıdy QazAqparat ákimdiktiń medıa ortalyǵyna silteme jasap.
Qańtar aıynda qurlyq, jastar jáne áıelder hokkeı lıgalary este qalarlyq shoý syılaıdy. Elimizdiń astanasynda ótetin hokkeı aptalyǵynda «Barys Arena» muz aıdynyna 10 qańtar kúni birinshi bolyp áıelder lıgasynyń úzdikteri shyǵady. Ótken jyldaǵydaı «Sulýlar Lıgasy» juldyzdy matchtyń basty júldesi úshin «Shyǵys» jáne «Batys» bolyp oınaıdy.
Úzilisterde ÁHL úzdikteri jyldamdyqqa, tehnıkalyq oıynǵa baılanysty túrli jattyǵý kórsetip, tájirıbelerimen bólisetin bolady. Juldyzdy komanda quramyna qazaqstandyq «Tomırıs» áıelder klýbynyń eki oıynshysy kiredi. Oıyn 10 qańtar kúni saǵat 16:00-de bastalady.
11 qańtar kúni Jastar hokkeı lıgasy dástúrli «Shyǵys» jáne «Batys» bolyp Jekpe-jek kýbogy jeńimpazdaryn anyqtaıtyn bolady.
Juldyzdy aptany qurlyqtyq hokkeı lıgasy tórt dıvızıonynyń quramalary qorytyndylaıdy. Jyl saıyn uıymdastyrýshylar jankúıerler men kórermender úshin qyzyqty oıyndar oınatady. Bıyl da sol dástúr jalǵaspaq.
