Astanada alǵash ret qazaqsha kúresten III Álem chempıonaty ótedi
STANA. Qazannyń 21-i. QazAqparat /Arman Asqarov/ - Qazannyń 22-si kúni Astanadaǵy «Dáýlet» sport saraıynda halqymyzdyń ulttyq sport túri - qazaqsha kúresten III Álem chempıonaty ótedi.
Bul týraly búgin arnaıy baspasóz máslıhatynda aıtyldy.
QR Týrızm jáne sport mınıstrligi Sport komıtetiniń tóraǵasy Elsııar Qanaǵatov atap kórsetkendeı, qazaqsha kúresten III Álem chempıonaty Astanada alǵash ret ótkeli otyr. «Bıyl qazaqsha kúres Halyqaralyq kúres túrleri qaýymdastyǵynyń (FILA) resmı kúntizbesine endi. Qazaqstan úshin bul úlken jetistik, ári qazaqtyń ulttyq sportynyń damyp kele jatqandyǵynyń aıqyn kórinisi bolsa kerek. Bul elimizde buqaralyq sporttyń keńinen qanat jaıýyna negiz bolady dep bilemiz», - deıdi E.Qanaǵatov.
Jarysqa 40-qa jýyq elden 200-ge taıaý sportshy qatysady. Qazaqsha kúresten III Álem chempıonatymen qatar ótetin V Dúnıejúzilik kúres oıyndary uıymdastyrylady. Іs-sharaǵa Halyqaralyq kúres túrleri qaýymdastyǵynyń (FILA) prezıdenti Rafael Martınenttı qatysady dep kútilýde.
