Astanada alǵash ret «Qamqorshy kúni» merekesi atap ótiledi
ASTANA. 26 qazan. QazAqparat - 29 qazanda Polıtehnıkalyq kolledjde «Balalarǵa jylý syıla» aktsııasy aıasynda ata-anasynyń qamqorlyǵynsyz qalǵan balalar men jetimderdi qamqorlyǵyna alǵan azamattarǵa arnalǵan «Qamqorshy kúni» ótkiziledi. Bul týraly astana.kz saıtyna elordalyq Bilim basqarmasynan habarlady.
Atalǵan is-sharaǵa 70 qamqorshy (qorǵanshy) jáne olardyń otbasylarynda tárbıelenip jatqan balalar qatysady.
Mereke qaıyrymdylyq jasaýǵa, aınaladaǵylarǵa nazar aýdarýǵa, kómekke daıar bolýǵa, súıenishti qajet etkenderdiń bárine qoldaý kórsetýge jáne bir-birine qamqor bolýǵa baǵyttalady. Aktsııa barysynda baıqaýlar men kontserttik baǵdarlama uıymdastyrylady, syılyqtar beriledi, qamqorshylarǵa erekshe qurmet kórsetiledi. Іs-sharanyń maqsaty - ata-anasynyń qamqorlyǵynsyz qalǵan balalar men jetimderdi tárbıelep jatqan azamattardy qoldaý, balany otbasyna alýdy qalaıtyn azamattardyń sanyn arttyrý boıynsha túsindirý jumystaryn júrgizý bolyp tabylady. Aıta keteıik, «Qamqorshy kúni» merekesi - Qazaqstannyń tarıhyndaǵy ata-anasynyń qamqorlyǵynsyz qalǵan balalar men jetimderdi qamqorlyqqa alǵan azamattarǵa arnalǵan alǵashqy qaıyrymdylyq is-shara.
