Astanada alǵash ret erekshe ádispen mıǵa ota jasaldy
ASTANA. QazAqparat - 29 qazanda elordadaǵy № 2 qalalyq aýrýhanada júrek-qan tamyry hırýrgııasy bóliminde alǵashqy ret qalalyq statsıonar deńgeıinde joǵary mamandandyrylǵan medıtsınalyq kómek ádisiniń jańa tásili - «Bas mıy oń jaq jartysharynyń orta mı kúretamyry basseıninen trombembolektomııa jáne tserebraldyq angıografııa» ádisi engizildi.
Operatsııany S.S. Muhametqalıev («№ 2 qalalyq aýrýhana» ShJQ MKK júrek-qan tamyry hırýrgııasy bólimshesiniń meńgerýshisi) pen E.J. Medetovpen («Ulttyq neırohırýrgııa ortalyǵy» AQ neırohırýrgi) birlesip júrgizdi.
65 jastaǵy naýqas № 2 qalalyq aýrýhananyń júrek-qan tamyry hırýrgııasy bólimshesine sol jaq qoly kúretamyrynyń jiti tromboembolııasynyń 2 dárejesi jaǵdaıynda túsken. Oǵan ota jasaý sheshimi qabyldanady. Sol jaq qolyna aıqyndaǵysh zertteý, kúretamyrlaryndaǵy uıyǵan qandy ashyq operatsııa jasaý arqyly alady. Jasalǵan operatsııadan keıin 20 mınýt ótken soń, deneniń sol jaq bóliginiń qozǵalysy tolyǵymen qalpyna keledi. Qazirgi ýaqytta patsıenttiń jaǵdaıy jaqsy.
№ 2 qalalyq aýrýhananyń júrek-qan tamyry hırýrgtarynyń joǵary dárejedegi biliktiligi jáne aýrýhananyń zamanaýı medıtsınalyq quraldarmen jabdyqtalý nátıjesinde naýqastyń ómirine arasha túsý múmkin boldy.
Statıstıkaǵa súıensek, joǵaryda atalyp ótken dıagnoz boıynsha 90% jaǵdaıda naýqastar túrli aýyr dárejedegi múgedek bolyp qalady eken. Klınıkanyń joǵary bilikti mamandary júrek-tamyr aýrýlaryn emdeýde atalǵan ádisti odan ári qoldanbaq nıette.
