Astanada alǵash ret eki iri murajaıdyń birlesken kórmesi ashyldy
ASTANA. 26 qarasha. QazAqparat /Arman Asqarov/ - Búgin Astanadaǵy Qazirgi óner murajaıynda EQYU Sammıti aıasynda «Qazaqstannyń beıneleý óneriniń qazynasy» atty kórme-vernısaj óz jumysyn bastady.
Ábilhan Qasteev atyndaǵy Memlekettik óner murajaıy men Qazirgi óner murajaıynyń birlesken kórmesinde elimizdiń ulttyq qazynasyna aınalǵan eń úzdik degen 120 beıneleý óneriniń týyndylary qoıylyp otyr. Ábilhan Qasteev, Áýbákir Ismaılov, Abram Cherkasskıı, Qanafııa Teljanov, Hákimjan Naýryzbaev, Moldahmet Kenbaev, Janataı Shardenov, Aısha Ǵalymbaeva jáne taǵy basqa otandyq beıneleý óneriniń tarlandary salǵan týyndylar Astana qalasynda ótkeli otyrǵan EQYU Sammıti aıasyndaǵy arnaıy kórmege shyǵaryldy.
«Bul erekshe kórme. Sebebi ony kórgen adam Qazaqstannyń beıneleý óneriniń damý tarıhyna tereńdeı boılaı alady. Biz bul kórme arqyly shetelden keletin qonaqtarǵa Qazaqstannyń beıneleý óneriniń 80 jyldyq tarıhyn barynsha kórsetýge tyrystyq. Aldaǵy úsh aıda bizdiń kórmemizdiń barlyq astanalyqtarǵa berer estetıkalyq áseri mol bolady dep senemiz», - deıdi Ábilhan Qasteev atyndaǵy Memlekettik óner murajaıy dırektorynyń orynbasary Erkin Nurazhan.
Aıta keteıik, kórmeniń demeýshisi - «Qazkommertsbank» AQ. Vernısajdyń avtory - Ábilhan Qasteev atyndaǵy Memlekettik óner murajaıy men Qazirgi óner murajaıynyń Kórmeler jáne ekspozıtsııalar ǵylymı ortalyǵynyń jetekshisi Anjela Aqylbekova.
