Astanada alǵash ret dýatlonnan jarys ótedi
AS TANA. QazAqparat - Qazaqstan Respýblıkasy Konstıtýtsııasynyń 20 jyldyǵyna oraı elordada alǵash ret «Astana-dýatlon 2015» jarysy ótedi, dep habarlady qalalyq ákimdiktiń baspasóz qyzmetinen.
Qatysýshylar velosıpedpen 15 shaqyrym qashyqtyqty baǵyndyryp, jartylaı marafonda 5 shaqyrymǵa júgiredi. Joldyń jalpy uzyndyǵy merekelik dataǵa oraılastyrylǵan. Sporttyq shara 29 tamyzda «Báıterek» monýmentiniń aldyndaǵy alańda saǵat 10.00 bastalady. Qatysýshylardy tirkeý jarys ótetin aýmaqta júrgiziledi jáne saǵat 07:00 bastalady. Dýatlonǵa ynta bildirgen adamdardyń barlyǵy qatysa alady. Aıta keteıik, osy sııaqty jarys barsha álem boıynsha iri qalalarda turaqty túrde ótkiziledi jáne keńinen taraǵan.
