Astanada alǵash ret Azııa tennıs federatsııasy dırektorlar keńesiniń músheleri bas qosty
ASTANA. KAZINFORM – Astanada alǵash ret Azııa tennıs federatsııasy dırektorlar keńesiniń jıyny ótip, oǵan Qytaı, Úndistan, Koreıa Respýblıkasy, Ózbekstan, Kambodja, Pákstan, Túrkmenstan, BAÁ, Saýd Arabııasy, Malaızııa, Sıngapýr, Gonkong, Iordanııa jáne Qazaqstan elderiniń ókilderi qatysty.
Kún tártibinde tabysty damý úshin úsh mindetti shart: ınfraqurylymdy jaqsartý, bapkerlik áleýetti arttyrý jáne jaqsy qarjylandyrýmen qamtamasyz etý qajettigi talqylandy.
Azııa tennıs federatsııasynyń prezıdenti ıÝrıı Polskıı mundaı jıyndy ótkizý úlken qurmet ekendigin jetkizdi.
«Qazaqstan Azııanyń kóptegen eli úshin tabysty damýdyń úlgisi bolyp tabylady. Sońǵy 17 jyldaǵy ilgerileýimiz júıeli jumys pen ınvestıtsııa tartýda nege qol jetkize alatynymyzdy kórsetedi. Eki kún boıy dırektorlar keńesiniń músheleri Azııada tennısti damytýdyń strategııasy, elder arasynda baılanysty nyǵaıtý úshin qoldanýǵa bolatyn basymdylyqtar men bastamalar týraly aıtty. Qurlyqtyń úzdik oıynshylary bir-birimen synǵa túse alatyn jańa týrnırlerdi uıymdastyrý, jas tennısshilerdiń jasóspirimder kezeńinen kásibı deńgeıge ótýin jeńildetý tóńireginde pikir alysty. Delegattar Qazaqstanda balalardyń qalaı jattyǵatynyn kózben kórý úshin Beeline Arena ulttyq tennıs ortalyǵy men «Dáýlet» tennıs ortalyǵynda bolyp, bapkerlermen tildesti. Dırektorlar keńesi atynan Qazaqstan tennıs federatsııasynyń prezıdenti Bolat Ótemuratovqa bólek alǵys aıtqym keledi. Ol Halyqaralyq tennıs federatsııasynyń vıtse-prezıdenti retinde tennıs damýynyń bastapqy satysynda turǵan elderdiń teń múmkindikterge qol jetkizip, tájirıbe almasyp, týrnırlerge kóbirek qatysýy jáne jastarmen jumysty jaqsartýy úshin bastamalarymyzdy udaıy qoldap keledi», - dedi ıÝ.Polskıı.
Dırektorlar keńesiniń qorytyndysy boıynsha Azııa tennıs federatsııasynyń jańa logotıpi men gımni bekitildi https://www.asiantennis.com/about-atf/. Sondaı-aq Azııada jasóspirimder týrnırleriniń sany kóbeıip, uıymdastyrýshy elder bir-birine arnaıy shaqyrtýlar jiberetin boldy. Sonymen qatar Qazaqstan tennıs federatsııasynyń prezıdenti, ITF vıtse-prezıdenti Bolat Ótemuratovqa azııalyq oıynshylardy álemdik tennıs júıesinde tirkeý úlesin arttyrý esebinen Halyqaralyq tennıs federatsııasynan ATF-ǵa qosymsha resýrstar bólýge qoldaý kórsetý jóninde ótinish jasaldy.
Eske sala keteıik, budan buryn qazaqstandyq tennısshilerdiń Italııa men Horvatııada jartylaı fınalǵa shyqqanyn jazǵan bolatynbyz.
