Astanada alǵash ret Azııa birinshiligi ótedi
ASTANA. QazAqparat - Astana qalasynda ótip jatqan "EKSPO-2017" halyqaralyq mamandandyrylǵan kórmesi aıasynda 2017 jylǵy 13-16 shilde aralyǵynda elordamyzda Qazaqstan Respýblıkasy Mádenıet jáne sport mınıstrligi men Astana qalasy ákimdiginiń qoldaýymen «karate-do» olımpıadalyq sport túri boıynsha chempıonattar ótkiziledi. Atap aıtsaq, eresekter arasynda 14-shi Azııa chempıonaty, kadetter men jasóspirimder arasynda 16-shy Azııa chempıonaty ótedi. Elimizde alǵash ret uıymdastyrylyp otyrǵan bul baıraqty básekege 30-dan asa eldiń 700-den astam úzdik sportshylary baq synasady.
Esterińizge sala keteıik, «karate» japon tilinen aýdarylǵanda «qaýrysyz qolmen aıqasý» degen maǵynany bildiredi. Tarıh derekterine kýóz júgirtsek, sporttyq jekpe-jektiń bir túri bul túri 15 ǵasyrda Okınava araldarynda paıda bolǵan. Halyq aýzyndaǵy ańyzdarǵa súıinsek, sol kezdegi knıaz Se Haısı japon halqyna qarý ustatpaǵan. Biraq syrt jaýdan qorǵanýdyń tásilin izdegen halyq karate ónerin, ıaǵnı qarýsyz qorǵanýdyń bir túrin ómirge ákelgen. Karatede eki qarsylas bir biriniń denesiniń neǵurlym osal tusyna qolymen jáne aıaǵymen soqqy berýge asyǵady.
Taǵy bir aıta ketetin jaıt, karate ómirge endi kelip jatqan ýaqytta Okınava araldarynyń turǵyndary Japonııamen emes, Qytaımen kóbirek baılanysta bolǵan. Sóıtip, Karate Qytaıdyń kýng fý qarýsyz kúres túrimen qatar damyǵan. Keıingi jyldary bul kúres óneri tez qarqynmen damyp, kóptegen qazaq jastary Karate túrlerinen Dúnıejúzi, Azııa chempıony ataqtaryn ıemdendi.
Qazaqstandaǵy chempıonattar Ortalyq saıabaqta ornalasqan «Dáýlet» SK-da ótedi. Aıta keteıik, jarystardyń uıymdastyrýshysy - Azııa karate-do federatsııasy (AKF) jáne «QR karate-do federatsııasy odaǵy» ZTB jáne Qazaqstan Respýblıkasy Mádenıet jáne sport mınıstrligi.
Azııa birinshiligi elimizde tuńǵysh ret ótetinin atap ótken jón. Buǵan deıin Malaızııa, Sıngapýr, Japonııa men Qytaı syndy alpaýyt memleketterde uıymdastyrylǵan. Budan bólek, bul kontınettik chempıonatta reıtıngtik upaılar beriledi. ıAǵnı, Tokıo-2020 olımpıada oıyndaryna sportshylardyń upaı jınaýǵa múmkindikteri bar. Osy oraıda aıta ketken jón, qazirgi tarıhta 2016 jyldyń 3 tamyzynda Rıo-de-Janeırodaǵy Olımpıada komıtetiniń otyrysynda «WKF karate-do» 2020 jyly Tokıo Olımpıadasynda kórsetilgen olımpıadalyq sport túrleriniń tizimine endi.
Sonymen qatar, karate-dodan Qazaqstan namysyn quraıtyn Ulttyq qurama da osal emes. Onyń qatarynda álem jáne Azııa chempıondary men júldegerlerinen quralǵan 70 úzdik sportshy el namysyn qoldan bermeýin baǵady. Aıta keteıik, sportshylar arasynda kadetter men jastar arasynda álem chempıony, Azııa oıyndarynyń chempıony jáne úsh dúrkin Azııa chempıony Saǵyndyqov Rınatta bar. Onyń jalpy upaı sany - 1215. Ol 67 keli salmaqta óz sheberligin kórsetpek.
Kórermender Azııa chempıonatynyń saıystarymen qatar, jarystyń ashylý saltanatyn da tamashalaıdy. Onda qazaq jáne elimizde mekendeıtin basqa ulttardyń mádenı murasy, sondaı-aq biregeı erekshelik - elimizdiń kópulttylyǵyn kórsetedi.
«Qazaqstan» RTRK AQ quramyna kiretin «Kazsport» telearnasy 13-16 shilde aralyǵynda ótetin jarysty jan-jaqty nasıhattaýǵa atsalyspaq. Jańalyqtar qyzmeti arnaıy sıýjetter ázirleıdi. Al, 16-shilde kúni 19 shilde kúni, saǵat 20:40-ta «Kazsport» telearnasynyń efırinde Azııa chempıonatynyń fınaldyq kezdesýleri kórsetiletin bolady.
