Astanada alǵash ret aspapty mýzyka festıvali ótedi
ASTANA. QazAqparat - 29 shildede Astanada «Báıterek» monýmentiniń aldyndaǵy alańda alǵash ret «Ready.Set.Loud!» aspapty mýzyka festıvali ótedi, dep habarlaıdy Astana qalasynyń mádenıet, muraǵattar jáne qujattama basqarmasynyń baspasóz qyzmeti.
Tyńdarmandar nazaryna túrli janrlardy biriktirgen jáne qazaqstandyq mýzykanyń jańa tolqynyndaǵy kompozıtsııalar usynylady.
Festıvalge qazaq, orys jáne aǵylshyn tilderinde mýzykany erler men áıelder vokalymen ındı-rok, etno-djaz, alternatıvti rok stılinde oryndaıtyn qazirgi zamanǵy qazaqstandyq Existan, Nar, Celestial Whales, Far In Gate jáne Molto Loud toptary qatysady.
Festıval baǵdarlamasynyń shymyldyǵy DJ setpen ashylady, jáne kesh barysynda kásipqoı júrgizýshiler kórermendermen baılanysty úzbeı túrli utystar men mýzykalyyq baıqaýlar uıymdastyryp otyrady. Qatysýshylar úshin bas júlde eki elektrogıtara bolmaq.
