Astanada áleýmettik osal toptarǵa qandaı kómek kórsetiledi
ASTANA. KAZINFORM – Elordada áleýmettik qoldaý sharalaryn keńeıtý, materıaldyq-tehnıkalyq bazany nyǵaıtý, jańa áleýmettik nysandar salý, jumys oryndaryn qurý jáne azamattardy jumyspen qamtý baǵytynda aýqymdy jumys istelip jatyr.
2025 jyly áleýmettik qoldaýmen 200 myńnan astam adam qamtylady.
Onyń ishinde:
35 706 — kópbalaly otbasylar;
7 510 — «Altyn alqa», «Kúmis alqa» ıelengen kópbalaly analar;
7 346 — áleýmettik az qamtylǵan azamattar;
127 029 — jasyna jáne eńbek ótiline baılanysty zeınetkerler;
38 009 — múmkindigi shekteýli jandar;
11 422 — erekshe qajettilikteri bar balalardy tárbıelep otyrǵan otbasylar.
Atalǵan sanattaǵy azamattarǵa mynadaı kómek túrleri kórsetiledi:
* tegin jol júrý jáne «Invataksı» qyzmetin paıdalaný;
* kómir satyp alý jáne kommýnaldyq qyzmetterge ótemaqy tóleý;
* protezdik-ortopedııalyq kómek, múgedekter arbasy, tıflo- jáne sýrdoquraldar berý;
* qajetti gıgıenalyq quraldarmen qamtamasyz etý;
* tis protezdeý;
* sanatorıı-kýrorttyq emdeý;
* jeke kómekshi jáne ym-ıshara tili mamanynyń qyzmetin usyný.
Budan bólek, 586 az qamtylǵan otbasy turǵyn úı kómegin aldy. Áleýmettik máni bar aýrýlary bar 1 150 adam toqsan saıyn jáne aı saıyn tólenetin áleýmettik tólemdermen qamtyldy.
15 AEK mólsherinde birjolǵy áleýmettik kómekpen bas bostandyǵynan aırylǵan jerden shyqqan 228 azamat qamtylǵan.
Kópbalaly otbasylardyń balalaryna granttar bólinedi. Bıyl suranysqa ıe mamandyqtar boıynsha 142 adamdy oqytý josparlanyp otyr, onyń ishinde jańa oqý jylynda mektep bitirgen 54 túlek bar.
Qalada búgingi kúni 127 029 zeınetker, 38 009 múmkindigi shekteýli azamat bar, olardyń ishinde 10 869-y — balalar. Osy sanattaǵy 91 otbasyǵa úılerdi gazdandyrý shyǵyndaryn óteý úshin 130 AEK kóleminde ótemaqy tólendi.
Tegin jol júrý múmkindigimen 200 myńnan astam adam qamtylsa, turǵyn úı kómegin 586 otbasy aldy.
Sonymen qatar, «Januıa» otbasyn qoldaý ortalyǵy ómirlik qıyn jaǵdaıǵa tap bolǵan árbir otbasyǵa áleýmettik súıemeldeý kórsetip, psıhologııalyq, áleýmettik jáne quqyqtyq kómek beredi. Sondaı-aq, TsKS derekteri negizinde FSM «Social» mobıldi qosymshasyn paıdalana otyryp, kómekke muqtaj otbasylardy anyqtaý jumystary júrgizilýde.
Aıta ketelik 260 myńǵa jýyq adam ataýly áleýmettik kómek aldy.