Astanada áleýmettik qyzmet kórsetý kólemi 3,2%-ǵa artty
ASTANA. KAZINFORM – Bul týraly qalalyq Ortalyq kommýnıkatsııalar qyzmetinde ótken baspasóz májilisinde Astana qalasy boıynsha Halyqty áleýmettik qorǵaý salasyndaǵy retteý jáne baqylaý komıteti departamentiniń basshysy Asqar Aımaǵambetov aıtty.
– 2026 jyldyń birinshi jartyjyldyǵynda Astanada áleýmettik memlekettik qyzmet kórsetý kólemi ótken jyldyń sáıkes kezeńimen salystyrǵanda 3,2 paıyzǵa artty. Osy kezeńde zeınetaqymen qamsyzdandyrý jáne memlekettik járdemaqylardy taǵaıyndaý salasynda 63 398 memlekettik qyzmet kórsetilgen. Olardyń eń kóp úlesi zeınetaqy tólemderin taǵaıyndaýǵa tıesili. Jarty jylda bul baǵyt boıynsha 18,8 myń qyzmet kórsetildi, - dedi spıker.
Sonymen qatar onyń sózinshe, balaly otbasylarǵa 24,7 myń járdemaqy, múgedektikke jáne asyraýshysynan aıyrylýyna baılanysty 10,2 myń járdemaqy taǵaıyndalǵan. Budan bólek, ınflıatsııa deńgeıin eskere otyryp, zeınetaqy jınaqtarynyń saqtalýyna memlekettik kepildik tóleý boıynsha 5 myń sheshim qabyldanǵan.
Departament basshysynyń aıtýynsha, kópbalaly otbasylarǵa, múgedektigi bar balalardy tárbıelep otyrǵan otbasylarǵa jáne múgedektigi bar adamdarǵa kútim jasaıtyn azamattarǵa kórsetiletin áleýmettik qoldaý sharalary boıynsha da oń dınamıka baıqalyp otyr.
Vedomstvo kórsetilgen qyzmetter sanynyń artýyn memlekettik qyzmetterdiń qoljetimdiligin keńeıtý jáne halyqty áleýmettik qorǵaý júıesin jetildirý baǵytynda júrgizilip jatqan jumystyń nátıjesimen baılanystyrady.
Aıta keteıik, Astanada zeınetaqy men járdemaqyny rásimdeý jeńildedi.
