Astanada áleýmettik nysandar salýǵa 420-dan astam ýchaske anyqtaldy
ASTANA. QazAqparat – Astanada áleýmettik nysandar salý úshin 420-dan astam ýchaske anyqtaldy, dep habarlaıdy QazAqparat tilshisi.
Qala ákimdiginiń resmı saıtynda jarııalanǵan málimetke sáıkes, mektep salý úshin – 158 ýchaske, balabaqshalar úshin – 185, medıtsınalyq ortalyqtar úshin (emhanalar, perzenthanalar, ońaltý ortalyqtary) – taǵy 78 ýchaske belgilengen. Medıtsınalyq ortalyqtardyń sany jańa turǵyn úı kesheniniń birinshi qabattarynda ashylatyn medıtsınalyq mekemelersiz kórsetilgen. Áleýmettik nysandardy salý úshin jer ýchaskeleriniń sany jyl saıyn ulǵaıady.
Elordada turǵyndardyń qatysýymen 2035 jylǵa deıingi qalanyń bas josparynyń jobasy talqylanýda. «Astana bas josparynda» bolashaq áleýmettik nysandardyń (mektepter, medıtsınalyq ortalyqtar, balabaqshalar) ornalasýy kózdelgen. Qalanyń bas jospary jobasy aıasynda qalany damytý, halyq sany, áleýmettik nysandar salý, kólik ınfraqurylymyn perspektıvaly damytý, 2035 jylǵa deıin nysandardy buzý syndy túrli baǵyttar qarastyrylǵan.
