Astanada áleýmettik qyzmet kórsetýdiń turaqty strategııalary týraly respýblıkalyq konferentsııa bolady

ALMATY. 31 mamyr. QazAqparat /Erlik Erjanuly/ - Astanada 13-14 maýsym kúnderi «Áleýmettik jaǵdaıy tómen otbasylar men halyqtyń osal tobyndaǵy balalar men jastar úshin áleýmettik qyzmet kórsetýdiń turaqty strategııalary» dep atalatyn respýblıkalyq konferentsııa ótedi.

Ony «Bota» qaırymdylyq qory uıymdastyrǵaly otyr. Konferetsııanyń basty maqsaty - áleýmettik jaǵdaıy tómen otbasylardaǵy balalar men jastardyń densaýlyǵy, bilimi men ómir sapasyn jaqsartýǵa baǵyttalǵan baǵdarlamalardy júzege asyrý arqyly qoldaý. Osy baǵyttaǵy barlyq múddeli taraptarmen yntymaqtasý arqyly ortaq pátýaǵa kelip, josparlardy, strategııalardy jáne usynystardy talqylaý.

Konferentsııa jumysyna Bilim men ǵylym, Densaýlyq saqtaý, Іshki ister, Ádilet, Baılanys jáne aqparat, Eńbek jáne halyqty áleýmettik qorǵaý mınıstrlikteriniń, úkimettik emes uıymdardyń, halyqaralyq uıymdardyń ókilderi, halyqaralyq jáne ulttyq sarapshylar qatyspaq.