Astanada Áleýmettik kásipkerlerdiń tuńǵysh forýmy ótýde
ASTANA. QazAqparat - Astanada áleýmettik kásipkerlerdiń alǵashqy forýmy óz jumysyn bastady, dep habarlaıdy QazAqparat tilshisi.
Jıynda áleýmettik kásipkerlikke memleket, partııa tarapynan qoldaý kórsetý mehanızmderin talqylaý josparlanǵan.
«Bıyl partııanyń qalalyq fılıaly kásipkerlikke qoldaý kórsetý keńesiniń jumysyn qaıta qarady jáne quramyn ózgertip, tabysty kásipkerlerdi shaqyrdy. Dál osy keńes aıasynda áleýmettik kásipkerlerdiń alǵashqy forýmyn ótkizý bastamasy kóterildi. Tájirıbeli kásipkerler óz isin jańa bastaǵan jastarǵa óz aqyl-keńesteri men qarjylaı kómek berýge ýaǵdalasty», - deıdi «Nur Otan» partııasy Astana qalalyq fılıaly tóraǵasynyń orynbasary Vladıslav Sergeev.
Onyń aıtýynshak, qazirgi ýaqytta Astanada 50-ge jýyq áleýmettik kásipkerler bar. Olar múmkindigi shekteýli jandardy, ata-ana qaraýynsyz qalǵan balalardy jumysqa alyp, áleýmettik, ekologııalyq máselelerdi sheshýge tyrysyp júr.
«Áleýmettik kásipkerlik Eýropa men Reseıde jáne álemde jaqsy úrdiske aınalǵan. Jáne bizdiń elimizde endi qalyptasyp kele jatyr. Búgin uıymdastyrylǵan alǵashqy forýmda da áleýmettik kásipkerlikke memleket, partııa tarapynan qoldaý kórsetý mehanızmderi talqylanbaq. Konsýltatıvtik ǵana emes, qarjylaı qoldaý kórsetý taqyryby da kóteriledi», - dedi partııa ókili.
