Astanada áleýmettik qamsyzdandyrý salasyndaǵy AKT týraly halyqaralyq konferentsııa bastaldy

ASTANA. QazAqparat - Astanada Memlekettik hatshy Gúlshara Ábdiqalyqova jáne Halqaralyq áleýmettik qamsyzdandyrý qaýymdastyǵynyń prezıdenti Errol Foank Stýveniń qatysýymen el turǵyndaryn áleýmettik qamsyzdandyrý salasyndaǵy aqparattyq-kommýnıkatsııalyq tehnologııalardyń ozyq jetistikteri týraly XIV halqaralyq konferentsııa ashyldy.

"Áleýmettik qamsyzdandyrýdyń maqsattaryna jetýdegi AKT salasynyń standarttary men biryńǵaı sheshimderin qabyldaý joldary" atty konferentsııaǵa Dúnıejúzilik banktiń, Halyqaralyq eńbek uıymynyń ókilderi men jeke kompanııalardyń qyzmetkerleri qatysýda.

"Búgin biz áleýmettik qamsyzdandyrý salasyndaǵy aqparattyq-kommýnıkatsııalyq tehnologııalardy qoldaný týraly 14-shi halyqaralyq konferentsııany ótkizip otyrmyz. Halyqaralyq áleýmettik qamsyzdandyrý qaýymdastyǵymen bilese otyryp uıymdastyrylǵan konferentsııamyz jemisti ótedi degen senimdemin", - dedi konferentsııany bastaı otyryp Densaýlyq saqtaý jáne áleýmetták damý mınıstri Tamara Dúısenova.