Astanada áleýmettik-eńbek janjaldaryn medıatsııa kómegimen sheshý joldary talqylandy
ASTANA. QazAqparat - Búgin Astanada qalalyq kásipkerler palatasy men «Medıatsııany damytý ortalyǵy» qoǵamdyq birlestiginiń uıymdastyrýymen «Áleýmettik-eńbek janjaldaryn kezinde medıatsııany qoldaný múmkindikteri» atty dóńgelek ústel otyrysyn uıymdastyrdy.
Sharaǵa qalalyq kásipkerler, Astana ákimdiginiń ókilderi, BAQ ókilderi men kásipodaqtyq uıymdar basshylary qatysty.
Dóńgelek ústel barysynda kásibı bıznes-jattyqtyrýshy, «Medıatsııany damytý ortalyǵy» qaýymdastyǵynyń tóreshiler daıyndaýshy ustazy Qaırat Tólekeev jınalǵandarǵa kásipkerlik salasynda týyndaıtyn túrli daý-janjaldy sotqa deıin jetkizbek, medıatsııanyń kómegi arqyly sheshý joldaryn túsindirdi.
«Janjaldasýshy taraptar sotqa shyǵymdanbas buryn medıatorlarǵa júginse, ýaqytyn da, qarjy-qarajatyn da únemdeıdi. Ol úshin eki tarap iskerlik kelisimshart jasasar aldynda medıatorlyq kelisimge de qol qoıýlary kerek. Ol kelisimniń zańdyq kúshi bolady. Sosyn daýly jaǵdaı týyndaǵan kezde taraptar medıatsııa ortalyǵyna shaǵymdansa, medıatorlar olardyń isin sotqa jetkizbeı-aq sheship bere alady», - deıdi Q. Tólekeev.
Onyń aıtýynsha, mundaı qadam keleńsiz jaǵdaıǵa ushyraǵan kez kelgen taraptyń ýaqytyn únemdep, qarjy-qarajatyn sot protsesine jumsaýdan saqtandyrady.
«Sot úderisi bir jarym jyl, keıde tipti eki jylǵa sozylýy múmkin. Al mundaı bas aýrýy qazirgi kezde kimge kerek?» - deıdi ol.
