Astanada álemniń tanymal kardıohırýrgtary bas qosady
ASTANA. QazAqparat - Elordada 29-30 tamyzda Nazarbaev Ýnıversıteti jáne Qazaqstan Respýblıkasy Densaýlyq saqtaý jáne Áleýmettik Damý Mınıstrliginiń qoldaýymen III Ulttyq Kardıohırýrgtar kongresi ótedi. Bul týraly «Ulttyq ǵylymı kardıohırýrgııa ortalyǵy» AQ baspasóz qyzmetinen habarlady.
Sharany atalǵan kompanııa Búkilálemdik kardıotorakaldy hırýrgtar qoǵamy jáne Chıkago Ýnıversıtetimen birlese otyryp uıymdastyrǵan. Oǵan 500-den astam maman qatysady. Sonyń ishinde, álemniń úzdik 47 kardıology bar. Jıyn aıasynda Qazaqstan Respýblıkasynyń Konstıtýtsııasy kúnine arnalǵan jappaı júgirý sharasy ótedi. Rixos otelinen bastap, Araı saıabaǵyna deıin uıymdastyrylǵan qoǵamdyq sharaǵa álemniń tanymal kardıohırýrgtary da qatysady.
