Astanada álemniń aldyńǵy qatarly neırohırýrgteri úshin kýrs ótkiziledi
ASTANA. 23 mamyr. QazAqparat - TMD-da alǵash ret Qazaqstan astanasynda Neırohırýrgııa qoǵamdastyǵy Eýropalyq qaýymdastyǵynyń bilim kýrsy (EANS) ótedi. Bul týraly astana.kz saıtyna Respýblıkalyq neırohırýrgııa ǵylymı ortalyǵynyń baspasóz qyzmeti málim etti.
Kýrstyń negizgi maqsaty - neırohırýrgterge osy saladaǵy aýrýlar men ony qazirgi zamanǵy emdeý tásilderi týraly aqparattar berý.
Astanada Ortalyq bazasynda ótkiziletin birinshi kýrs neıroonkologııa, fýnktsıonaldyq neırohırýrgııa men neırojaraqattar máselesine arnalady.
astana.kz saıtynyń jazýynsha, kýrsqa qatysý úshin Qazaqstan astanasyna Reseı, Frantsııa, Chehııa, Estonııa, Túrkııa, Izraıl, sondaı-aq ózge de memleketterden dáris oqyp, patsıentterge dárigerlik keńester berý úshin belgili neırohırýrgter keledi.
Lektorlardyń arasynda Chehııadan Neırohırýrgııa qoǵamdastyǵy Eýropalyq qaýymdastyǵynyń prezıdenti Vladımır Benesh pen Dúnıejúzilik neırohırýrgııa qoǵamdary federatsııasy Bilim komıtetiniń tóraǵasy, professor Ioko Kato jáne basqa da tanymal ǵalymdar bolady dep kútilýde.
Іs-sharaǵa QR Densaýlyq saqtaý mınıstri Salıdat Qaıyrbekova, «Ulttyq medıtsınalyq holdıng» AQ Basqarma tóraǵasy A.Ken jáne basqalar qatysýy josparlanǵan.
