Astanada álemdik standarttarǵa sáıkes jilik maıy transplantatsııasy gematologııalyq bólimi ashylady
ASTANA. 17 tamyz. QazAqparat - Elordada Respýblıkalyq medıtsınalyq jedel járdem ǵylymı ortalyǵy bazasynda jilik maıy transplantatsııasy gematologııalyq bólimin qurý úshin josparly qaıta qurý týraly sheshim qabyldandy. Bul týraly astana.kz saıtyna vedomstvodan habarlady.
Álemdik standarttarǵa sáıkes bolatyn bólim jylyna 50-den astam jilik maıyn aýystyrý operatsııasyn jasaýǵa múmkindik beredi. Resýrstardyń jetispeýshiligine baılanysty naýqastardyń barlyǵyn kútý paraqtarymen qamtamasyz etý úshin osyndaı sheshim qabyldandy. Sebebi áýel bastan bul ǵımarat jedel járdem kórsetýge arnalǵan edi, ǵımarattyń ótkizý qabilettiligi jylyna 5 transplantatsııadan aspaıdy.
Búgingi tańda Astanada jilik maıyn aýystyrý boıynsha, sonyń ishinde allogendik (týys donordan) jáne gaploıdenttik (úılesimdiligi boıynsha 50% sáıkes keletin ata-analardan) 20-dan astam ota jasaldy.
Gematologııa salasynda ınnovatsııalardy engizýde (atap aıtqanda, jilik maıyn transplantatsııalaýda) Respýblıkalyq medıtsınalyq jedel járdem ǵylymı ortalyǵynyń keleshegi zor. Bólimde 250 kereýettik kópbeıindi qurylym jasalǵan, ortalyq qazirden bastap halyqqa jilik maıy transplantatsııasy jáne hımıoterapııa boıynsha biregeı tehnologııalardy usynyp otyr.
