Astanada Álemdik daǵdarysqa qarsy jospar tujyrymdamasy qabyldanady

ASTANA. QazAqparat - II Daǵdarysqa qarsy dúnıejúzilik konferentsııanyń qatysýshylary Astanada Álemdik daǵdarysqa qarsy jospardyń tujyrymdamasyn qabyldaıdy. Bul týraly búgin Ortalyq kommýnıkatsııalar qyzmetindegi brıfıngte QR Parlamenti Senatynyń depýtaty, «Ǵalymdardyń Eýrazııalyq ekonomıkalyq klýby» qaýymdastyǵynyń teń tóraǵasy Serik Nógerbekov málim etti.

Álemdik qujattyń jobasyn daıarlaýǵa halyqaralyq aldyńǵy qatarly uıymdar, ǵylymı-zertteý ortalyqtary men ınstıtýttar, iskerlik jáne ǵylymı toptar, condaı-aq BUU-ǵa múshe memleketterdiń ókilderi, bedeldi saıasatkerler, sarapshylar men úkimettik emes uıymdardyń ókilderi qatysty. Atalǵan qujat daǵdarystan shyǵý turǵysynda álemdik qoǵamdastyqqa naqty joldardy usynady.

Aıta keteıik, II Daǵdarysqa qarsy dúnıejúzilik konferentsııanyń aıasynda úsh paneldik sektsııa, eki ashyq pikirsaıys sharalary ótedi. Onda mınıstrler men ortalyq bankterdiń basshylary, kóshbasshylar dıalogtary uıymdastyrylmaq.