Astanada álem sahnasyndaǵy qazaqstandyqtar «Týǵan el tósindegi kontsertin» beredi

Álemniń úzdik sahnalarynda óner kórsetip júrgen ártisterdi ortaq otany - Qazaqstan biriktiredi. Bul týraly Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtaby habarlady.

Olar: Qaıyrjan Joldybaev - tenor (Germanııa); Sara Naıman - soprano (Avstrııa); Ámir Tebenıhın - pıanıst (Germanııa); Erjan Qulybaev - skrıpka (Ispanııa).

Atalmysh kontsertti uıymdastyrýshylar qazirgi kezde shet elde jumys isteıtin otandas jas mýzykanttardyń basyn qosyp, olardyń shyǵarmashylyǵyn Astana halqyna pash etpek. «Týǵan el tósindegi kontsert» - bul týǵan elge, mádenıetine degen qurmet jáne klassıkalyq ónerdiń barlyq mýzykalyq janrlaryn dáripteý. Atalmysh kontsertte klassıkalyq mýzykanyń álemdik jaýharlary jańasha sıpatta oryndalady ári kórmender sırek týyndylarmen qulaq quryshyn qandyra alady.

Kontsert baǵdarlamasyna F.Lısttyń «Vengr rapsodııasy», Sý Chongtyń Qytaı hanzadasynyń arııasy, Dj.Verdıdiń «Sıtsılıı keshki otyrysy» operasynan Elena bolerosy jáne álemniń tanymal týyndylary men otandyq avtorlardyń shyǵarmalary engizilgen. Mýzykanttardy dırıjer Abzal Muhıtdınovtyń jetekshiligindegi «Astana Opera» sımfonııalyq orkestri súıemeldeıdi.

Kez kelgen ánshi úshin gastroldik sapar tájirıbe jınaqtaýǵa, shyǵarmashylyq ereksheligin baǵalaýǵa múmkindik beretin jumysynyń eń basty bóligi. Al otandastarymen júzdesý - árqashan júrekte tolqynys týdyratyn erekshe sát. Sebebi, jerlesteri ánshilerdi bala kezinen biledi. Sondyqtan keshke qatysatyn tanymal juldyzdar burynǵydan da tanys ári jaqyn bola túspek.

«Týǵan el tósindegi kontsert» uıymdastyrýshylary Astana turǵyndary men qonaqtary ulttyq ári álemdik mádenıet qundylyqtaryn dáripteıtin biregeı keshte mádenı jáne estetıkalyq baıı túsedi degen úmitte.

Kontsert 6 shilde saǵat 20.00-de «ASTANA OPERA» opera jáne balet zalynda ótedi.