Astanada áldebireý pyshaqtap ketken meshit qyzmetkeri aýrýhanadan shyqty
ASTANA. QazAqparat – Elordada birneshe jerden pyshaq jaraqatyn alǵan meshit qyzmetkeri aýrýhanadan shyǵaryldy, dep habarlaıdy QazAqparat qoǵamdyq densaýlyq saqtaý basqarmasynyń baspasóz qyzmetine silteme jasap.
«Patsıent jazylyp úıine shyqty, ózin jaqsy sezinedi. Onyń tolyq qalpyna kelýine biraz ýaqyt kerek», - deıdi №3 qalalyq kópbeıindi aýrýhananyń emdeýshi dárigeri, hırýrg Arman Sarqytbaı.
Óz kezeginde patsıent Muslýhaddın Nadyrov aýrýhana basshylyǵy men dárigerlerge rızashylyǵyn jetkizdi.
«Meni aýrýhanaǵa 14 jerden pyshaq jaraqatymen, es-tússiz alyp keldi. Dárigerler janymdy aman alyp qaldy. Hırýrgııa bóliminiń jetekshisi Sergeı Verveın men emdeýshi dáriger Arman Sarqytbaıǵa alǵysym sheksiz», - deıdi jazylyp shyqqan meshit qyzmetkeri.
Eske sala keteıik, 15 naýryzda Astanadaǵy meshitterdiń birinde sharýashylyq qyzmetkerin bireý pyshaqtap ketti.
Bul týraly Qazaqstan musylmandary dinı basqarmasynyń baspasóz hatshysy Aǵabek Qonarbaıuly málim etken edi.
Keıin bolǵan oqıǵaǵa qalalyq polıtsııa departamenti jáne qoǵamdyq densaýlyq saqtaý basqarmasynyń baspasóz qyzmeti túsinik berdi.
«14 naýryzda jedel járdem brıgadasy naýqasty №3 kópbeıindi qalalyq aýrýhanaǵa jetkizdi. Patsıent birneshe jerden pyshaq jaraqatyn alǵan, jaǵdaıy aýyr. Naýqasqa shuǵyl em júrgizildi. Qazir naýqastyń jaǵdaıy óte aýyr. Patsıentti aman alyp qalý maqsatynda reanımatsııa jáne ıntensıvti terapııa bóliminde em jalǵasyp jatyr», - degen habar alǵan edik elordanyń densaýlyq saqtaý basqarmasynan.
