Astanada aldaǵy jyly tórt densaýlyq saqtaý nysany ashylady
ASTANA. QazAqparat - Astana qalasy Qurylys basqarmasynyń habarlaýynsha, ústimizdegi jyly densaýlyq saqtaý nysandaryn damytý baǵdarlamasyn júzege asyrý aıasynda elordada 4 densaýlyq saqtaý nysanynyń qurylysy aıaqtaldy, dep habarlady astana.kz.
Atap aıtqanda, 1 nysan psıhohronıkterge arnalǵan emdeý-óndiristik sheberhanasyna arnalǵan. Sonymen qatar, kelesideı densaýlyq saqtaý nysandarynyń qurylysy 2015 jyly aıaqtalady: 1. Qabanbaı batyr dańǵyly men №30 kóshelerdiń qıylysyndaǵy 250 orynǵa arnalǵan qalalyq balalar juqpaly aýrýlar aýrýhanasy; 2. «Jeleznodorojnyı» turǵyn alabynyń soltústik-shyǵysynda ornalasqan 500 oryndyq týberkýlezge qarsy dıspanserdiń qurylysy; 3. Sol jaǵalaýda ornalasqan ambýlatorııalyq-emhana kesheni (bir aýysymda 350 eresekti qabyldaýǵa arnalǵan emhana, bir aýysymda 150 balaǵa arnalǵan emhana); 4. Bir aýysymda 150 kelýshige arnalǵan 250 kereýet-orynǵa arnalǵan medıtsınalyq-sanıtarlyq ońaltý ortalyǵy.
