Astanada aldaǵy jyly 6 mektep paıdalanýǵa beriledi
ASTANA. Tamyzdyń 4-i. QazAqparat // - Kelesi jyly elordada 6 mektep paıdalanýǵa beriledi. Bul týraly búgin jýrnalıstermen bolǵan baspasóz máslıhatynda Astana qalalyq Bilim basqarmasynyń bastyǵy Ásıma Bımendına málim etti.
Onyń sózine qaraǵanda, Astanada osy ýaqytta 65 memlekettik mektep bar. Olardyń barlyǵy da jańa oqý jylyna daıyn. Sonymen qatar Abaı men Tilendıev dańǵyldarynyń boıynda ornalasqan jańa mektep te bıyl iske qosylady. Buǵan qosa bıylǵy jyldyń sońyna deıin Kóktal, Ilınka aýyldary men Tilendıev dańǵylynyń ońtústiginde, sondaı-aq elordanyń sol jaǵalaýynyń ákimshilik ortalyǵynyń mańaıynda ornalasqan 4 mektep te paıdalanýǵa beriledi. «Eger jyl sońyna deıin atalǵan mektepterdiń aktileri men qajetti qujattarynyń barlyǵy daıyndalatyn bolsa, oqý jylynyń ekinshi jartysynda biz osy bilim oshaqtarynda balalardy oqytý jumysyn bastaımyz. Buǵan biz qazirdiń ózinde daıynbyz», dedi basqarma bastyǵy.
Esterińizge sala keteıik, Astanada osy ýaqytta 65 memlekettik, 14 memlekettik emes jáne 1 keshki mektep bar.
