Astanada aldaǵy jyly 150 avtobýs syıatyn jańa avtopark qurylysy aıaqtalady
ASTANA. QazAqparat - Elordada qyrkúıek aıynda bastalǵan jańa kommýnaldyq avtoparktiń qurylysy búginde qarqyndy júrgizilip jatyr. Astana qalasynyń Jolaýshylar kóligi jáne avtomobıl joldary basqarmasynyń habarlaýynsha, qazirgi kezde ǵımaratty salý boıynsha qurylys-montajdaý jumystary qolǵa alynǵan, dep jazady qalalyq ákimdiktiń resmı saıty.
Avtopark qalanyń Indýstrıaldy park aýmaǵynda ornalasqan, jalpy aýdany - 7,4 ga jáne 150 avtobýsqa eseptelgen. Buǵan deıin nysanda barlyq erejeler men normalarǵa sáıkes topografııalyq túsirilim jasalyp, memlekettik saraptamadan ótkizildi. Kommýnaldyq qyzmetterden ınjenerlik jelilerdi qosý úshin barlyq qajetti tehnıkalyq sharttar alyndy, dińgekter qaǵyldy, baǵana fýndamenti men tireýishter ornatyldy.
Qurylys josparyna sáıkes jańa kommýnaldyq avtopark ǵımaraty 2015 jylǵy shilde aıynda paıdalanýǵa berilmek. 2015 jyldyń sońyna qaraı 350 zamanaýı avtobýs satyp alatyn elordalyq tasymaldaýshy kompanııalar úshin atalǵan nysan asa qajet.
