Astanada aldaǵy úsh jylda 27 mektep salynady
ASTANA. QazAqparat - Elordada aldaǵy úsh jylda 27 mektep turǵyzylyp, taǵy 10 mektepti jalǵap salý arqyly úlkeıtý kózdelip otyr. Bul týraly «Rýhanı jańǵyrý» baǵdarlamasyn júzege asyrý týraly Ortalyq kommýnıkatsııalar ortalyǵynda ótken baspasóz máslıhatynda Astana qalasynyń ákimi Áset Isekeshev málim etti, dep habarlaıdy QazAqparat tilshisi.
«Bizdiń qalada balanyń týýy men mıgratsııanyń artqany baıqalady. Osy sebepti, oqýshylarǵa qatysty úlken suraq kóterilip otyr. 2011 jyly Astana qalasynda 75 myń oqýshy oqysa, jeti jyldyń ishinde oqýshylardyń sany eki esege artyp, qazir elordadaǵy mektepterde 143 myń bala bilim alýda. Sondyqtan qazir Memleket basshysynyń tapsyrmasymen arnaıy baǵdarlama, sonyń ishinde mektep qurylysy týrasynda baǵdarlama ázirledik. Oǵan sáıkes aldaǵy 3 jylda 27 mektep turǵyzyp, 10 mektepke japsarlas ǵımarat salý kózdelýde. Bul - balalar úshin sapaly bilim berý máselesin sheshedi», - deıdi Áset Isekeshev.
Onyń aıtýynsha, sonymen qatar mektep qurylysyn júrgizýdiń protsesi ózgertilip, qurylys normalary men erejelerine (QNE) ózgerister engizilgen.
«Bul mektep qurylysyna ketetin shyǵyndy 10-15 paıyzǵa qysqartady», - deıdi ákim.
