Astanada aldaǵy úsh kúnniń aýa raıy belgili boldy
ASTANA. QazAqparat - Dúısenbi men sársenbi aralyǵynda elordada -17 gradýs shamasynda sýyq bolady, dep habarlaıdy QazAqparat Astana ákimdiginiń saıtyna silteme jasap.
Qazgıdromettiń málimetinshe, dúısenbi, 24 jeltoqsanda Qazaqstannyń bas qalasynda kún raıy qubylmaly bolady, qar jaýmaıdy. Soltústik-shyǵystan jyldamdyǵy 5-10 m/s jel soǵady. Aýa temperatýrasy túnde -26...-28 °S, kúndiz -20...-22 °S.
«25 jeltoqsanda kóshpeli bult shyǵady, jaýyn-shashynsyz. Ońtústik-shyǵystan soǵatyn jeldiń ekpini 5-10 m/s jetedi. Synap baǵanasy túnde -30...-32 °S, kúndiz -20...-22 °S kórsetetin bolady», - delingen sınoptıkterdiń habarlamasynda.
Sársenbi, 26 jeltoqsanda da kóshpeli bult shyǵady, jaýyn-shashynsyz. Ońtústik-shyǵystan soǵatyn jeldiń jyldamdyǵy 5-10 m/s jetedi. Aýa temperatýrasy -27...-29 °S, kúndiz -17...-19 °S quramaq.
