Astanada aldaǵy úsh kún demalysta kólik qoıatyn oryndar tegin bolady
ASTANA. QazAqparat - Elordada úsh kún boıy kólik qoıatyn avtoturaqtarǵa aqy tóleýdiń qajeti joq, dep habarlaıdy QazAqparat.
Respýblıka kúniniń qurmetine 23-25 qazan aralyǵynda, jeksenbiden bastap seısenbini qosa alǵanda qaladaǵy avtoturaqtar tegin qyzmet kórsetedi.
Bul jaıynda «Astana turaq keńestiginiń» resmı saıtynan málim boldy.
Al osy senbi, 22 qazanda aqyly avtoturaqqa kólik qoıýshylardan ár saǵatyna 100 teńgeden alynady.
Jalpy, aqyly avtoturaqtar dúısenbi-juma aralyǵynda tańǵy 8.00-den keshki 20.00 deıin jumys isteıdi, al senbi-jeksenbi kúnderi olardy tegin paıdalanýǵa bolady.
