Astanada aldaǵy kúnderi jaýyn-shashyn bolady
ASTANA. QazAqparat - Sınoptıkterdiń boljamynsha, elordada aldaǵy kúnderi kóshpeli bult shyǵyp, ótkinshi jańbyr jaýady, dep jazady astana.gov.kz.
Búgin, 21 qyrkúıekte, respýblıkamyzdyń astanasynda kóshpeli bult shyǵyp, jańbyr jaýady.
Soltústik-batystan 9-14 m/s jyldamdyqpen jel soǵady, keı jerlerde jeldiń ekpini 15-20 m/s jetedi. Kúndiz aýa temperatýrasy +11+13°S, túnde +9+11°S bolady.
Seısenbi kúni, 22 qyrkúıekte, jaýyn-shashyn bolmaıdy. Soltústik-batystan 7-12 m/s jyldamdyqpen jel soǵady. Aýa temperatýrasy túnde +1+3°S, kúndiz +10+12°S jyly bolady.
23 qyrkúıekte kóshpeli bult shyǵyp, jaýyn-shashyn bolmaıdy. Soltústik-batystan 7-12 m/s jyldamdyqpen jel soǵady. Aýa temperatýrasy túnde 0-2°S, kúndiz +12+14°S bolady dep kútilýde.
