Astanada aldaǵy kúnderi jańbyrly bolady
ASTANA. QazAqparat - "Qazgıdromet" RMK habarlaýynsha, búgin elordada aýa temperatýrasy kúndiz +26+28°S, túnde +12+14°S bolady, soltústik-shyǵystan 14 m/s jyldamdyqpen jel soǵady, dep habarlaıdy astana.kz.
Sınoptıkterdiń boljamynsha, erteń Astana qalasynda aýa raıy ózgeredi. Reseıdiń Eýropaǵa jaqyn aımaqtarynan Qazaqstanǵa qaraı jyljyǵan tsıklon saldarynan Astanada birneshe kún boıy ótkinshi jańbyr jaýady dep kútilýde. Shildeniń 21-i kúni kóshpeli bult shyǵyp, jańbyr jaýady. Soltústik-shyǵystan 9-14 m/s jyldamdyqpen jel soǵady, aýa temperatýrasy túnde +16+18°S, kúndiz +27+29°S bolady. 22 shildede kóshpeli bult shyǵyp, jańbyr jaýady. Ońtústik-batystan 9-14 m/s jyldamdyqpen jel soǵady, aýa temperatýrasy kúndiz +27+29°S, túnde +16+18°S bolady.
