Astanada aldaǵy kúnderi qar jaýýy yqtımal
ASTANA. QazAqparat - Aldaǵy aptada Astanada kún sýytyp, qatty jel soǵatyny týraly dabyldy eskertý taratyldy. Meteorologtardyń boljamynsha, elordada 21 sáýirde qatty jel soǵyp, qar aralas jańbyr jaýady. Bul týraly «Qazgıdromet» RMK-ǵa silteme jasap astana.kz habarlady.
«21-22 sáýirde Astanada kún jaýyn-shashyndy (qar aralas jańbyr) bolady, soltústik-batystan soqqan jeldiń jyldamdyǵy 15-20 m/s jetedi. Túnde aýa temperatýrasy tómendeıdi», - dep boljaıdy sınoptıkter.
Aıta keteıik, Aqmola oblysynda da aýa temperatýrasy tómendep, qar jaýýy yqtımal.
Al demalys kúnderi, sınoptıkterdiń boljamynsha, jyly kún raıy saqtalady. Búgin Astanada kún ala bultty, jaýyn-shashynsyz. Ońtústik-batystan soltústik-batysqa aýysqan 9-14 m/s jyldamdyqpen jel soǵýda, keı jerlerde ekpini 15-20 m/s jetedi. Túnde aýa temperatýrasy +3+5°S, kúndiz +15+17°S.
«Erteń, 20 sáýirde, Astanada kóshpeli bult shyǵady, ótkinshi jańbyr jaýady. Soltústik-batystan 9-14 m/s jyldamdyqpen jel soǵady. Túnde aýa temperatýrasy +3+5°S, kúndiz +14+16°S» delingen habarlamada.
