Astanada aldaǵy kúnderi qandaı mádenı sharalar ótedi
NUR-SULTAN. QazAqparat - Nur-Sultan qalasynyń mádenı oshaqtary aldaǵy demalys kúnderi qala turǵyndary men qonaqtaryna arnap premeralyq qoıylymdar, 8 Naýryz merekesi qarsańynda kontsertter, kórmeler men ekskýrsııalar ótkizedi, dep habarlaıdy QazAqparat elorda ákimdiginiń resmı saıtyna silteme jasap.
Atap aıtqanda, «M.Gorkıı atyndaǵy memlekettik akademııalyq orys drama teatry» sahnasynda 6-7 naýryz kúnderi saǵat 18:00-de V.Shýkshınniń áńgimeleri boıynsha «Svetlye dýmy» qoıylymynyń premerasy ótedi.
«Naz» memlekettik bı teatry 5 naýryz kúni saǵat 18:00-de halyqaralyq áıelder merekesine oraı «Syıynar em Ana degen táńirge!» taqyrybynda kontsert ótkizedi.
«Sáken Seıfýllın murajaıy» 5 naýryz kúni Álıhan Bókeıhanovtyń týǵanyna 155 jyl tolýyna oraı «Ult kósemi – Álıhan Bókeıhanov» atty onlaın-dáris uıymdastyrady. Dáristi Instagram jelisindegi Seifullin_museum jáne bizbirgemiz paraqshalarynan kórýge bolady.
Memlekettik akademııalyq fılarmonııa 6 naýryz kúni «Juldyz bolǵyń kelse» atty kontsertine shaqyrsa, 7 naýryzda «Jan Anam» atty kontsertin qoıady.
Óz kezeginde «Qýyrshaq teatry» 5 naýryz kúni saǵat 14:00-de, 16:00-de T. Hasanǵalıevanyń «Ana qudyreti» ertegisin jurtshylyq nazaryna usynsa, 6 naýryz kúni 12:00, 14:00, 16:00 ýaqytynda R. Kıplıngtiń «Maýglı» shyǵarmasyn oryndaıdy.
«Beıbitshilik jáne kelisim saraıy» birqatar is-sharalar keshenin ótkizedi. Naqtyraq toqtalsaq, 6 naýryzǵa deıin kúndelikti 09:30-18:00 aralyǵynda «Týǵan jer» atty balalar men jasóspirimder stýdııasynyń horeografııa, hor, akterlik sheberlik sabaqtary uıymdastyrylady. Sondaı-aq 7 naýryzǵa deıin 10:00-18:00 aralyǵynda kúndelikti elorda turǵyndary men qonaqtary úshin ekskýrsııalar bolady. Sol sııaqty dál osy aralyqta «Jańa kózqaras» atty qazaqstandyq beıneleý óneriniń kórmesi uıymdastyrylady. 6 naýryz kúni Almaty Symphony Orchestra ujymynyń mýzykalyq dırektory Erjan Qulybaevtyń qatysýymen «VIRTÝOZDAR» kontserti bolady.
«Táýelsizdik saraıy» da birqatar kórme ótkizedi: 2-7 naýryz kúnderi 10:00-18:00 aralyǵynda «Elorda beınesi» kórkemóner, «Nur-Sultan qalasyna syılyqtar», «Uly Dala Juregi» kórmeleri, sondaı-aq ekskýrsııalar josparlanǵan.
«Báıterek» ǵımaratynda da qala jurtshylyǵyn ekskýrsııalar kútip tur.
«Ortalyqtandyrylǵan kitaphanalar júıesi» ǵımaratynda 5 naýryz kúni saǵat 12:00-de «O, áıel, senen basqa sulý joq!..», «Áıel beınesi, ádemi beıne», al 7 naýryzda «Áıel-Ana, Áıel-Ómir, Áıel-Jyr!» atty is-shara uıymdastyrylady.
«ALJIR» memorıaldy-murajaı kesheni» 5 naýryz kúni «Alash qozǵalysynyń kósemi Álıhan Bókeıhanov» atty onlaın kórme ótkizedi. Kórmeni myna paraqshalardan kórýge bolady. Facebook: Mýzeı ALJIR; Instagram: museumalzhir; Youtube: Museum ALZHIR Astana.
«Nomad City Hall» sahnasynda 6-7 naýryz kúnderi saǵat 17:00-de Ázirbaıjan Mámbetov atyndaǵy memlekettik drama jáne komedııa teatrynyń merekelik syı tartýy jáne «Qosh, mahabbat» spektakli bolady.
«Jastar teatry» 6-7 naýryz kúnderi S.Dúısenbıevtiń «Mahabbat mınıatıýralary» atty teatrlandyrylǵan kontsertin usynady.
Aıta keteıik, atalǵan is-sharalardyń barlyǵy sanıtarlyq-epıdemıologııalyq talaptardy saqtaı otyryp ótkiziledi.
