Astanada aldaǵy kúnderi qandaı mádenı sharalar ótedi
ASTANA. QazAqparat - Astana qalasynyń Mádenıet, muraǵattar jáne qujattama basqarmasy 2018 jylǵy 1-7 qańtar aralyǵynda elordada ótetin sharalar josparyn usynady, dep habarlaıdy QazAqparat.
1-7 qańtar kúnderi Táýelsizdik saraıynda sýretshi Muhtar Baıbosynovtyń «Án-kúı ozattaryna izet» jeke kórmesi ótedi. Sondaı-aq, bul kúnderi Táýelsizdik saraıynda Janna Spýnerdiń «Keńistiktegi qozǵalys» jeke kollektsııasynan kórkem óner kórmesi, «Bylǵary teri» kórmesi, Astana qalasynyń sýretshiler Odaǵynyń birlesken «Táýelsizdiktiń belgisi - Astana» kórmesi, «Erkindiktiń dastany - Astana» fotokórmesi jáne 1-13 qańtar kúnderi «Elbasy armany - asqaq Astana» fotokórmesi qoıylady.
Sonymen birge, 1-7 qańtarda Qýyrshaq teatrynda 12.00 jáne 14.00-de «Skazka Dedýshkı Moroza» jańajyldyq qoıylymy, Astanalyq tsırkte 16.00-de «Razmorozka» jańajyldyq tsırktik shoýy ótedi.
2-4 qańtar kúnderi M. Gorkıı atyndaǵy Memlekettik akademııalyq orys drama teatrynda 11.00,13.30 jáne16.00-de M. Neprıahınniń «Masha, Seryı jáne Potapych» jańajyldyq ertegisi qoıylady.
4-5 qańtarda «Jastar» saraıynda 09.00-de «Feerııa» atty VI halyqaralyq balalar men jasóspirimder shyǵarmashylyǵy festıvali bolady.
4-5 qańtarda «Astana Opera» memlekettik opera jáne balet teatrynda 19.00-de jáne 5 qańtar kúni 12.00, 19.00-de P. Chaıkovskııdiń «Şelkýnchık» baleti qoıylady.
5-6 qańtarda M. Gorkıı atyndaǵy Memlekettik akademııalyq orys drama teatrynda 11.00-de M. Neprıahınniń «Masha, Seryı jáne Potapych» jańajyldyq ertegisi qoıylady.
6 qańtar kúni 12.00 jáne 18.00-de «Astana Opera» memlekettik opera jáne balet teatrynda 19.00-de P. Chaıkovskııdiń «Şelkýnchık» baleti bastalady. Sonymen birge, bul kúni 18.00-de M. Gorkıı atyndaǵy Memlekettik akademııalyq orys drama teatrynda A.Kasonnyń «Dıkar. Trete slovo» melodramasy qoıylady.
7 qańtar kúni 18.00-de «Astana Opera» memlekettik opera jáne balet teatrynda 19.00-de P. Chaıkovskııdiń «Şelkýnchık» baleti ótedi.
