Astanada aldaǵy demalystaǵy jármeńkege Jambyl oblysy ónimderin usynady

NUR-SULTAN. QazAqparat - Nur-Sultan qalasynda 3-4 qyrkúıekte ótetin aýyl sharýashylyǵy jármeńkesinde Jambyl oblysy óz ónimderin usynady, dep habarlaıdy QazAqparat elorda ákimdiginiń saıtyna silteme jasap.

Óńirdiń 100-ge jýyq kásipkeri elordaǵa 495,8 tonna ónimin ákelmek.

Olar: 47 tonna et (jylqy, sıyr, qoı eti), 15 tonna taýyq eti, 14 tonna shujyq ónimderi, 38,8 tonna sút ónimderi, 6 myń dana jumyrtqa, 10 tonna kondıterlik ónimder, 13,4 tonna makaron ónimderi, 10 tonna balyq, 6 tonna bal, 5,5 tonna maqsary maıy, 336,1 tonnadan astam kókónis, baqsha daqyldary men jemis-jıdek ónimderi.

Sonymen qatar kelisi 480 teńgeden satylyp jatqan 10 tonna qant usynylady.

Bul jármeńke oblystyń aýyl sharýashylyǵy taýaryn óndirýshilerine óz ónimderin deldalsyz tikeleı ótkizýge múmkindik beredi.

Nátıjesinde aýyl sharýashylyǵy ónimderiniń baǵasy naryqtaǵy baǵadan 10-20 paıyzǵa tómen bolady.

Aıta keteıik, jármeńkeler 13 qarashaǵa deıin ár senbi jáne jeksenbi kúnderi ótedi. Ótetin orny: «Astana-Arena» stadıonynyń janyndaǵy alań, Turan dańǵyly, 48.

Al 10-11 qyrkúıek kúnderi ótetin jármeńkede Qyzylorda oblysynyń kásipkerleri óz ónimderin usynady.

Foto : gov.kz