Astanada aldaǵy demalys kúnderi aýyl sharýashylyǵy jármeńkesi ótedi

ASTANA. KAZINFORM — Astanada 10-11 qańtar aralyǵynda kezekti qalalyq aýyl sharýashylyǵy jármeńkesi ótedi. Bul týraly elorda ákimdigi habarlady. 

Jármeńkede jergilikti fermerler men Qazaqstannyń túrli óńirlerinen kelgen taýar óndirýshilerdiń ónimderi usynylady. Qala turǵyndary men qonaqtary kókónister men jemis-jıdekterdi, et ónimderin, un jáne sút ónimderin, naýbaıhana taýarlaryn, tabıǵı shyryndar, tosaptar men djemderdi tıimdi baǵada satyp ala alady.

Іs-shara 10 jáne 11 qańtar kúnderi saǵat 10:00–den 19:00–ge deıin ótedi.

Ótetin orny: «Keryen Joly» saýda ortalyǵy, Alash tas joly, 35B.

Kelýshilerdiń yńǵaılylyǵy úshin jármeńke ótetin orynǵa № 7, 11, 39, 41, 45, 53, 59, 81, 307 jáne 317 baǵyttaǵy qoǵamdyq kólikter qatynaıdy. 

Aıta ketelik Astana turǵyndary aýlalaryn jańartýǵa ótinim bere alatyny týraly jazǵan edik.