Astanada alaıaqtyń áleýmettik keskini jasaldy - prokýratýra

ASTANA. QazAqparat - Astana qalasynyń prokýratýrasy 2015 jyldy qorytyndylap, qylmystyq isterdi zerdeleýdiń nátıjesinde alaıaqtardyń (barlyǵy 540 kúdikti) jalpy áleýmettik keskinin jasap shyqty. Bul týraly qalalyq prokýratýranyń baspasóz qyzmetinen habarlandy.

«Astanadaǵy alaıaqtardyń jalpy áleýmettik keskini: ol orta arnaýly bilimi bar, kóbine jumyssyz, qarym-qatynasqa beıim, tez til tabysqysh 20-40 jas aralyǵyndaǵy er adam», - delingen baspasóz baıanynda.

Aıta keterligi, keskini anyqtalǵan tulǵalarmen jasalǵan quqyq buzýshylyqtar sany sońǵy ýaqytta 2,5 ese nemese 30-dan 74-ke artqan. Bul kásibı alaıaqtyqtyń órbip bara jatqanyn kórsetedi.

«Kóp jaǵdaıda túrli qyzmetter usyný (ıpoteka, jer ýchaskelerin satý, qaryz alý týraly shart jasasý) salasynda oryn alatyn qylmystar tanys adamdardyń bir-birine tym senýiniń saldarynan bolyp otyr. Ádette alaıaq ózin jábirlenýshiniń paıdasyna áreket etetin tulǵa retinde kórsetip, azamattardyń senimine tez kiredi, sóıtip olardy aldap, arbap, aqyrynda olardyń aqshasyn nemese múlkin ıemdenip alady», - delingen baspasóz baıanynda.