Astanada alaıaq týrısterden 4 mln teńgeden astam qarajat jymqyrǵan
ASTANA. QazAqparat - Astanada týrısterdiń 4 mln teńgesin jamqyrǵan alaıaq shartty túrde sottaldy, dep habarlady qalalyq sot baspasóz qyzmetinen.
«2016 jyly Astana qalasynda «Voyage tours» týrıstik agenttiginiń JShS dırektory bola tura, 23 jastaǵy áıel zańsyz baıý maqsatynda tómen baǵamen Domınıkan Respýblıkasyna jáne BAÁ-ge týr resimdeý múmkindigi týraly «Instagram» qosymshasy arqyly kórineý jalǵan aqparat taratady», - delingen habarlamada.
Týrıstik qyzmetti durys kórsetpeı, aldap senimderine kirý arqyly sottalýshy tórt adamnyń aqshasyn ıelengen. Olardyń materıaldyq shyǵyny 4 mln 455 myń 334 teńgeni qurady.
Sot talqylaýynda sottalýshy keltirilgen shyǵyndy tolyqtaı tóledi. Jábirlenýshiler ony bas bostandyǵynan aıyrmaı jazalaýdy surady. Sot úkimimen oǵan QR QK 190-baby 1-tarmaǵy 3-bóligi boıynsha jaza taǵaıyndaldy. Táýelsizdiktiń 25 jyldyǵyna oraı raqymshylyq týraly zańdy qoldanýmen onyń jazasy shartty túrde 2 jyl 4 aıǵa taǵaıyndaldy.
Aıypty úkimge shaǵymdanǵan joq, zańdy kúshine endi.
